16. SUB-CATEGORY VAN VOETSPORE: Skoene – Naak

Sirkusroos Pantoffel

Estelle — Fri, 01 May 2026 06:39:55 +0000

Eksklusief by Naak. Elke paar begin by ons eie handgetekende kunswerk — delikate roosmotiewe wat met sorg op egte leer gedruk word.

Binne wag ’n sagte omhelsing van egte skaapwol — natuurlik warm, asemhaalbaar en ongelooflik gemaklik. Dis die tipe pantoffel wat jy aantrek en nie weer wil uittrek nie.

Die Sirkusroos pantoffels is ontwerp om daardie stil, mooi oomblikke by die huis spesiaal te maak.

• Egte leer pantoffels
• Gevoer met egte skaapwol
• Beskikbaar in groottes 2–9
• Produksietyd: 2–3 weke
•Maandelikste, rentevry afbetalingsopsies via PayFast of PayJustNow

Safari Skoolskoen

Estelle — Sat, 28 Feb 2026 09:56:51 +0000

Stap terug in tyd met die Safari Skoolskoen – ’n nostalgiese, klassieke skoen geïnspireer deur skooldae, nou herverbeeld met ’n stylvolle luiperdmotief en ’n moderne gevoel. Met haar kenmerkende T-band, ronde neus en unieke blom-gaatjie-detail bring dié skoen ’n speelse vintage sjarme na enige uitrusting.

Kies self of jy die skoentjies met die tradisionele gaatjie-detail verkies, soos die klassieke skoolskoen, of ’n meer eenvoudige voorkoms sonder detail.

Elke paar word met sorg handgemaak uit egte leer, wat dit duursaam, tydloos en uniek maak. Die Safari Skoolskoen is veelsydig deur al die seisoene – pragtig met sokkies in die winter en perfek saam met ligte, romantiese uitrustings in die somer.

Die skoen is ook in baba- en kindergroottes beskikbaar.

Die skoentjies word handgemaak en nie in ’n massa-produksielyn vervaardig nie — goeie dinge vat tyd, daarom is die produksietydperk 2–3 weke. Die leer- en drukproses is tydsaam; daarom vervaardig ons elke paar met besondere sorg en aandag aan detail.

Indien jy die produk wil afbetaal, kan jy gerus van ons Payflex- of PayJustNow-opsies gebruik maak.

Marie Fleur

Estelle — Thu, 05 Feb 2026 13:19:27 +0000

Hierdie tydlose Marie Fleur is met sorg ontwerp vir gemak, duursaamheid en alledaagse elegansie. Gemaak van egte bruin leer, met twee verstelbare bandjies en klassieke gespes, bied dié skoen ’n veilige pasvorm sonder om styl prys te gee.

Die sagte leerbinnekant en ligte rubber-sool maak dit ideaal vir lang dae op jou voete—of jy nou by die klas, werk of op pad dorp toe is. Die afgeronde toon en netjiese stikwerk gee ’n mooi, vintage-geïnspireerde silhoeët wat maklik met rokke, rompe of sokkies gestileer kan word.

’n Ware Naak-stapelstuk: eenvoudig, mooi en gemaak om gedra te word.

Hierdie skoentjie is in ander kleure beskikbaar op versoek

Afbetaalopsies beskikbaar via PayJustNow of Payflex.

Produksietydperk: 2 weke

Marie-Jané

Estelle — Thu, 05 Feb 2026 12:48:04 +0000

Hierdie tydlose Marie-Jané is met sorg ontwerp vir gemak, duursaamheid en alledaagse elegansie. Gemaak van egte bruin leer, met twee verstelbare bandjies en klassieke gespes, bied dié skoen ’n veilige pasvorm sonder om styl prys te gee.

’n Ware Naak-stapelstuk: eenvoudig, mooi en gemaak om gedra te word.

Hierdie skoentjie is in ander kleure beskikbaar op versoek

Afbetaalopsies beskikbaar via PayJustNow of Payflex.

Produksietydperk: 2 weke

Blommies

Estelle — Mon, 17 Mar 2025 17:37:49 +0000

Stap terug in tyd met Blommies – 'n skoen wat die nostalgie van die skoolbanke met moderne styl kombineer. Handgemaak uit egte leer, is sy duursame en tydlose byvoeging tot jou skoenversameling.

Geniet die veeldoelige styl van die Blommies ongeag die seisoen. In die winter skep jy 'n bekoorlike "vintage" voorkoms met jou gunsteling sokkies, terwyl die Blommies in die somer perfek pas by 'n ligte rompie

Die skoentjies word handgemaak en nie in ‘n massa produksielyn vervaardig nie en soos hulle sê, goeie dinge vat tyd 😊

Produksietydperk: 10-15 werksdae

Die leer waarop die blom motief gedruk word is ongelukkig ‘n tydsame proses, so ons vervaardig soveel, so vinnig soos wat ons kan.

Anrie se Skoolskoen

Estelle — Fri, 13 Sep 2024 09:23:20 +0000

Vanuit die hartjie van die Karoo bring ons vir jou die mees unieke toevoeging tot ons reeks nóg, Die Anrie Skoolskoen.

Die skoentjie spreek boekdele van gemak mat haar verstelbaare enkelriem.

Die kunswerk is ook te sien op Anrie se Buustelyfie en Anrie se Rok.

-Die skoentjies word op standaard groottes gemaak, so hou gerus by jou normale skoengrootte.

-Die skoentjies is beskikbaar in groottes 3-8

- Produksietydperk: 4-7 weke

-Nota: Die skoentjie se ontwerp is klein bietjie opgradeer soos per foto's.

Dramatiese Diena

Estelle — Tue, 24 Oct 2023 12:15:16 +0000

Dramatiese Diena sal reguit in jou hart in dans met haar outentieke ontwerp en gestruktueerde strik.

Die stylvolle glip-in skoen word uit egte leer vervaardig, in die hartjie van Stellenbosch.

-Die mode skoen word handgemaak uit egte volgraan beesleer en met ‘n sagte leer binnevoering.

-Die skoentjies word nie in ‘n massa produksielyn vervaardig nie, so die produksietydperk mag tot en met 15 werksdae neem.

-Maak gebruik van die Payflex opsie indien jy die produk in rentevry paaiemente wil afbetaal.

- Stuur gerus vir ons ‘n e-pos na info@naakofficial.com indien jy die skoentjies in ‘n ander kleur wil bestel.

Trompie

Estelle — Thu, 01 Jun 2023 11:02:27 +0000

Die TV-reeks Trompie en die Boksombende is in die 1980's uitgesaai en het oud en jonk vasgenael voor die kassie gehou. Net so vasgenael sit ons voor skerm in bewondering van dié unieke ontwerp.

Trompie se pragskoentjie is perfek vir beide winter en somer.

-Vervaardig in die hartjie van Stellenbosch -Handgemaak uit egte volgraan beesleer, ‘n sagte leer binnevoering en rubber sole. -Die skoentjies word nie in ‘n massa produksielyn vervaardig nie daarom kan produksie daarvan tot en met 15 werksdae neem. -Maak gebruik van die Payflex / PayJustNow opsie indien jy die produk in rentevry paaiemente wil afbetaal.

Drommedaris

Estelle — Tue, 25 Apr 2023 21:35:35 +0000

Drommedaris Drommedaris, waar kom jou liefde vir skoene vandaan?

By Naak in Dorpstraat, is waar jy kan gaan…

Dié ontwerp met geperforeerde panele word deur beide kleure leer gekomplimenteer. Die resultaat: ‘n tydlose mode skoen, perfek vir enige seisoen en beslis ‘n belegging vir jou klerekas.

Drommedaris word ook met egte leer gevoer aan die binnekant en met haar gekussingde binnesool sorg sy vir ekstra gemak.

-Die skoene word plaaslik vervaardig en op standaard groottes gemaak, so hou gerus by jou normale skoengrootte.

-Die skoentjies word handgemaak en nie in ‘n massa produksielyn vervaardig nie daarom kan produksie daarvan tot en met 15 werksdae neem.

-Maak gebruik van die Payflex opsie indien jy die produk in rentevry paaiemente wil afbetaal.

Kalahari

Estelle — Sat, 17 Sep 2022 12:15:52 +0000

Ontdek die perfekte balans tussen styl, gemak en kwaliteit met ons nuutste reeks egte leer sandale. Geïnspireer deur die uitgestrekte landskappe en prag van die Kalahari, het ons 'n sandaal ontwerp wat nie net visueel aantreklik is nie, maar ook van uiterse hoë gehalte. Die sandale is ontwerp met die fokus op gemak. Die voetbed is ondersteunend en die bande pas jou voet perfek aan, wat 'n gemaklike, maar stylvolle dra-ervaring bied

Ons gebruik slegs die beste kwaliteit leer, wat nie net vir ‘n unieke voorkoms sorg nie, maar ook sag en buigsaam is. Die leer verouder ook ongelooflik mooi met die tyd.

Omdat elke paar handgemaak is, is elke sandaal uniek – net soos die Karoo self. Die sorg wat in die vervaardiging van hierdie sandale gestel word, is sigbaar in die perfekte afwerking en die duursaamheid van die produk.

Beskikbaar in twee kleure
Produksietydperk 2-3 weke
Maak gebruik van ons Payflex opsie indien jy die produk wil afbetaal.